Kuirlibro:Porka Rijeto
Reiru al la kuirlibro-indekso
Reiru al la kuirlibro-ĉefpaĝo
Porka Rijeto
| |
|---|---|
| Energio |
Porka Rijeto laŭ ĵan-ĵak
Laŭ piv: „manĝaĵo konsistanta el hakita porkaĵo aŭ kokidaĵo, miksita kun graso kaj tre longe stufita“.
Ingrediencoj por ĉirkaŭ 1 kg da rijeto
redakti- 1 kg da ŝultroviando de porko.
- 1 kg da lumboviando de porko.
- 1,5 kg da porka lardo.
- 50 ĝis 75 g da salo.
- 1 pinĉopreno da pipro blanka.
- 75 cl da akvo.
Kuirado
redakti- Petu de via viandisto formeti viandajn ostojn kaj lardhaŭtojn. Kunprenu kaj konservu ilin.
- Distranĉu la lardon je kubetoj (3 cm × 3 cm).
- Distranĉu la ŝultraĵon kaj lumbaĵon je pli grandaj kuboj (6 cm × 6 cm).
- Pesu la viandopecojn. Poste aldonu 15 g da salo por 1 kg da viando.
- Metu iom da akvo, proksimume 1 glaso, en grandan kaldronon. Boligu ĝin.
- Tre malrapide kuiru la lardajn kubojn, movante per spatelo. La tempo ne atentindas, necesas nur, ke la lardopecoj fariĝu orkoloraj.
- Aldonu iom post iom la viandopecojn. Daŭrigu la turnmovadon almenaŭ 10 minutojn.
- Tiam enverŝu 50 aŭ 60 cl da akvo, turnmovu. Lasu ĉion malrapide kuiriĝi je mezgrada varmo dum unu horo sub kovrilo. Ofte turnmovu.
- Poste malgrandigu la fajron je plej malgranda forto, kaj malrapide plu kuiru ĉion dum tri horoj, daŭre lasante kovrilon sur la kaldrono.
- Aldonu la ostojn kaj la lardhaŭton. Alŝutu la salon je 15 g da salo por 1 kg da viando. Turnmovu ĉion sen kovrilo, ankoraŭfoje malrapide kuiru , ofte turnmovante, dum 3 horoj. Fine de la kuirado aldonu pipron kaj miksu ĉion.
- Ĉesigu la fajron. Metu flanken la ostojn kaj la lardhaŭton (ĉu la hundo ŝatus?).
- Varmetigu ĉion dum unu horo.
- Pretigu bokalojn aŭ argilajn potojn, lavante ilin per bolanta akvo.
- Per kulerego elprenu la blankan grason kiu ŝvebas supre en la kaldrono, kaj konservu ĝin preta en kaserolo.
- Per spatelo miksu kaj dispremu la rijetojn.
- Kiam la rijeto varmetas, enpotigu ĝin. Kovru per ŝirma tavolo da graso el la kaserolo.
- Lasu malvarmiĝi -- plej bone en trablovata loko.
- Sekvatage matene kovru la rijeton per vaksopapero. Konservu en malvarma loko, ideale en fridujo ĉe ĉirkaŭ 4° C.
- Vi devas konsumi ĉion ene de monato.
Konsilo
redakti- Manĝu rijeton kun freŝa pano kaj ruĝa vino. Iam ajn, ie ajn...