Subleciono B-4/2: Cercidoj

Cercidoj

La genro Cercis, t.e. la cercidoj aŭ judasarbo, troveblas en Eŭropo, Azio kaj Nordameriko, kun ĉirkaŭ 10-12 specioj.

Cercidoj estas famaj pro siaj floroj rozkoloraj, kiuj aperas printempe sur la tronko kaj la branĉoj antaŭ la folioj.

Kiel rekoni cercidojn

Folioj

La folioj de cercidoj, malkontraŭaj, estas korformaj aŭ preskaŭ rondaj, iomete konkavaj apud la tigo. Randoj estas sen dentoj.

La folioj de Cercis siliquastrum estas preskaŭ rondaj. Bone videblas ke ili estas malkontraŭaj.
Cercis chinensis.
La folioj de Cercis canadensis havas klaran pinton sed ne dentojn.

Tiu ĉi folio havas dentetojn. Ĝi apartenas al tilio (Tilia cordata), ne al cercido.
La folio de Populus tremula (tremolo) similas al ronda folio. Se vi havas dubojn ke ĉi tiu estas cercido simple notu la dentojn (kvankam malakrajn)!
Cercidiphyllum signifas "cercidaj folioj" (en la foto: C. japonicum). Sed en tiu genro la folioj estas kontraŭaj, en veraj cercidoj ne.

Floroj kaj fruktoj

Cercidoj, kiel malmultaj aliaj arboj, aperigas florojn rekte sur la trunko (kaj sur la ĉefaj branĉoj). Sekve, ankaŭ fruktoj estas rekte sur la trunko.

Cercidoj estas anoj de Fabacoj (Fabaceae), do iliaj floroj havas la tipan formon de la floroj de tiu familio, kaj iliaj fruktoj estas guŝoj.

C. chinensis, la ĉina cercido. Detala foto de kelkaj floroj, rekte burĝonintaj sur la trunko.
Floroj de C. occidentalis, la kalifornia cercido. Videblas la tipa formo de la fabacaj floroj.
Florantaj cercidoj (ĉi tie C. occidentalis), pro la malesto de folioj, frapas la okulojn.
Floroj burĝonas antaŭ la folioj. En kelkaj okazoj, kiel ĉe tiu ĉi eŭropa cercido (C. siliquastrum), la unuaj folioj povas ekaperi kiam ankoraŭ estas floroj.
Kvankam ne kutime, cercidaj floroj povas ankaŭ esti blankaj ĉe kulturataj varioj.