Arboj de moderaj kaj malvarmaj regionoj/Arboj kun manformaj folioj

Leciono B-3: Kvar arboj kun manformaj folioj

Arboj kun manformaj folioj ne estas botanike klara grupo, kiel male estas pli-malpli arboj kun pingloformaj folioj. Eĉ la sama genro, kiel ni vidos, povas enhavi arbojn kun manformaj folioj kaj aliajn kun folioj aliformaj. Aldone, arboj kun manformaj folioj apartenas al malproksimaj familioj, kvankam ĉiuj en la divizio Florplantoj, kaj iliaj folioj estas nur malprecize similaj al manoj.

Manformaj folioj de acero

Taŭgas tamen komenci per tiu aro de arboj, ĉar ili estas pli facile rekoneblaj de la komencanto ol la ceteraj.

Jen la kvar arboj kiujn ni elektis:

• B-3/1 → Platanoj
• B-3/2 → Aceroj
• B-3/3 → Liriodendroj
• B-3/4 → Morusarboj

Ni konsilas ke vi legu ilin laŭ la supra ordo, sed se vi jam konas sufiĉe bone iun temon vi povas senĝene preterpasi al la sekva.