Arboj de moderaj kaj malvarmaj regionoj/Floroj

Leciono A-4: Floroj

Ĉiuj arboj produktas florojn. Esceptoj estas nur la koniferoj kaj la ginko, kiuj ne havas verajn florojn; tamen ankaŭ ili estigas organojn kun similaj funkcioj, ofte nomataj same (kvankam malprecize) floroj.

Pluraj arboj havas belegajn, grandajn kaj kolorplenajn florojn. Pluraj aliaj, male, havas florojn malgrandajn aŭ tute verdajn aŭ pro aliaj kialoj malfacile rekoneblajn.

Floroj kutime daŭras nur mallonge (kelkajn tagojn ĝis 2-3 monatojn), kvankam ja estas arboj en kiuj floroj videblas preskaŭ dum la tuta jaro (ekzemple Arbutus unedo). Plej ofte floroj aperas printempe aŭ somere.

• 
  Floroj de virginia magnolio (Magnolia virginiana)
• 
  Floroj de ussuriana pirarbo (Pyrus ussuriensis)
• 
  Floroj de orpluvo (Laburnum anagyroides)
• 
  Floroj de ĉina paŭlovnio (Paulownia tomentosa)

• 
  Aceroj (ĉi tie Acer japonicum, la japana acero) havas etajn florojn
• 
  Malinaj floraroj de turkia avelarbo (Corylus colurna)
• 
  Malinaj floraroj de ordinara frakseno (Fraxinus excelsior)

♦♦♦ NOTO. Vi povas trovi utilajn informojn ankaŭ en la vikipedia artikolo pri floroj.

Bazaj konoj pri floroj

Partoj de tipa floro

Floroj de acida ĉerizo (Prunus cerasus)

La tipa floro enhavas brilkoloran rondon de petaloj (n.16), ĉirkaŭantaj la kernon de la floro (la pistilon, n.10, kaj la stamenojn, n.9). Kelkaj floroj povas enhavi nur pistilon (inaj floroj) aŭ nur stamenojn (malinaj floroj). Malofte povas esti pli ol unu pistilo. Ekster la petaloj estas ofte apartaj folioj nomataj sepaloj (n.17).

Kion oni observu PRI FLOROJ en arboj?
1) La ĝeneralan formon
2) La koloron
3) La grandon
4) La kuneston kun aliaj floroj en floraroj
5) Malkutimajn detalojn, se estas
6) La nombron de petaloj
7) Ĉu la petaloj estas egalaj aŭ malegalaj, disaj aŭ maldisaj
8) La nombron de stamenoj
9) La ĉeeston kaj la nombron de sepaloj

( ... NEKOMPLETA ... )

Notoj kaj fontoj

→ al la sekvanta leciono